落冰粒...

上個禮拜五 (Mar 14), 去完查經班返屋企, 發現 Pika o向草地食冰...食得好開心...

原來落冰粒喎....重要咁大粒...都真係好少見喎...驚冇人信, 所以叫 Dr. Chiu 用相機影底佢...



今年同上年真係好唔同... 呢度o的溫度係...兩日零上十幾廿度, 兩日零上幾度...真係唔知點著衫好...時凍時熱...不過感謝神我o地暫時都冇病到...

上個禮拜 post o左0的呢度落雪o既相...都有幾多多倫多o的朋友有回應, 佢o地都話: "呢o的雪...小事啦﹗" 咁比起多倫多今年o的雪....呢度呢o的又真係好小事, 但對於一個可能幾年先有一場小雪o既地方 (試諗o下, 如果香港落雪...) o黎講, 呢場 "小雪" 已經係非常之大件事啦...
聽講因為呢場雪...當日所有學校 (Dr. Chiu o個間除外) 全部提早放學, 重有人去超市買足一個月o既食物...十足十好似打到o黎咁...有咁誇張得咁誇張...哈哈哈

當然對我o地o向加拿大住o左咁耐o既人o黎講...呢場雪只會令我o地回憶一o下以前o向多倫多o既凍天...回憶一下以前剷雪o既痛苦...對住o的雪真係又愛又恨...

呢幾日開始流鼻水(有少少鼻血o個種)...好似有鼻敏感咁....唔係o下...咁快對呢度o的花草樹木有敏感...聽講每早飲一杯當地製做o既蜂蜜對花粉敏感有幫助...不過通常都比超市賣o既貴好多...好我決定點都要試o下...如果真係好o的, 咁貴o的都好過食藥...起碼蜂蜜冇副作用。