電腦視覺綜合症!?

轉自 "忽然1周" 第658期

眼科專科中心醫生韓尚穎解釋，「電腦視覺綜合症」的成因，是電腦熒幕由眾多小光點組成，畫面 轉換，當眼睛長時間注視時，睫狀體要不斷拉緊聚焦以保持視線清晰，於是眼球長期處於緊張狀態 ，自然容易疲勞及產生痛楚。

引發頭頸背痛

「 另外，眼球在自然的環境下，每半小時會自動向遠處對焦尋求休息，但當全神貫注 電腦時，視線就會被迫拉回熒幕上，令眼睛失去休息機會；當情況持續兩小時以上，眼睛便會開始疲勞，睫狀體不懂放鬆。當望番[木台]面文件時會難以對焦，令你睇野蒙查查，並引發頭痛、頭暈，甚至作嘔。」

韓醫生又話，平時眼睛每分鐘眨 15 次，可是當專注用電腦時會劇減至 5 次，眼睛得不到足夠滋潤便會格外乾澀。「『電腦視覺綜合症』唔一定淨係眼睛問題，其實係指使用電腦時產生的眼睛及身體不適。長期注視電腦所引起的頭、頸、背痛，都包括在內。」

「電腦視覺綜合症」訊號
> 眼痛眼睛乾澀
> 近視度數急劇加深
> 眼部疲勞
> 視力模糊
> 眼紅
> 對焦能力減弱
> 畏光
> 頭痛
> 頸膊痠痛
> 背痛
＊ 以上病徵應在停止使用電腦一段時間後便自動消失，否則可能是身體有其他毛病。

辦公室護眼 5 招

雖然「電腦視覺綜合症」係辦公室常見綜合症，但只要學識點樣放鬆眼睛同營造護眼環境，就可以不藥而癒！

第1招　每半小時做一次健眼操

工 作每 30 分鐘就要讓眼睛遠離電腦熒幕，向遠處凝視 5 至 10 秒，來回 10 次，既可預防近視加深，又可放鬆一下繃緊的眼球肌肉，係一種很好的眼部運動。

第2招　調整熒幕位置

好多人慣[o左]「窩」[o係]座位做[o野] ，其實眼睛水平要略高於熒幕頂端，形成 10 至 20 度的下視角，唔使成日抬高頭睇熒幕，才可以頭、頸、背及眼睛肌肉都得以放鬆，腰痠背痛都少[o的]！而眼睛與熒幕的距離應為 60 至 70 厘米。

第3招　善用Paperstand

OL 成日都要用電腦輸入資料，呢個時候就要用 Paperstand 將預算打字的文件固定於電腦旁邊，同熒幕成平行。一方面可避免頭頸經常郁動引致疲勞，另一方面眼睛唔使頻繁地調整焦距，亦有助眼部放鬆。

第4招　熒幕要夠光

眼睛注視暗的物件，會特別吃力，因此熒幕應和四周環境的光度相若。做個簡單的測試就知道電腦的熒幕夠唔夠光：當你望向一個白色背景的網頁，如果熒幕明顯比周遭環境光亮，就代表電腦熒幕過亮；如果熒幕看起來不鮮明並呈灰色，則代表電腦熒幕可能過暗。如果仍覺得難以比較，可用白紙的光度為準。
另外，熒幕的「對比度」亦應調高，令顏色與文字有明顯對比，睇[o野]就冇咁吃力，眨眼同放鬆的機會都多些。

第5招　多眨眼睛

多眨眼對長時間使用電腦的人十分重要，可使眼睛保持濕潤，避免乾眼症的產生。當我們專注對住電腦工作時，眨眼次數會減少，容易造成眼睛乾澀不適，所以應時刻提醒自己要多 眨眼。如果覺得眼眶太乾，可用人造淚水來濕潤，不過應避免用去紅筋眼藥水，因為治標不治本，藥力一過，紅筋會比滴眼藥水前更厲害。

藍莓素無助電腦眼

近來藍莓素勁 hit，話可以保護眼睛同埋去黑眼圈，不過韓尚穎醫生話，藍莓素確實對眼睛有保護作用，但對「電腦視覺綜合症」就冇療效。「藍莓素有豐富[0既]花青素同單寧酸，兩者都係抗氧化 ，對視力衰退同眼球都有好處，不過『電腦視覺綜合症』係因為不良的使用電腦習慣引起，因此食藍莓素係冇用！」

中醫護眼

茶藍莓素對電腦眼冇乜幫助，咁不妨用中藥來明目。宏康中醫藥中心熊嘉瑋中醫師話，「肝開竅於目」，因此用清肝明目的菊花同杞子就可以補眼。
「如果成日用電腦，可用 3 朵杭菊同 7 至 8 粒杞子一齊泡茶飲，可滋潤眼睛，雙眼冇咁易[支力]。」佢又話，按壓內眼角對落鼻樑旁的「睛明穴」亦可紓緩眼部勞，增加淚水分泌。