是日晚餐: 羊扒...

想唔認係 「師奶」 都唔得喇....今朝又去咗超市睇有冇嗰啲今日到期嘅牛扒...點解? 因為呢啲牛扒通常都平成半架...只要你係今日煮嚟，就冇問題架喇。 不過就啱係日日都有囉...即係話唔係幾時想食都有咁解。

好講返今日先...原本係諗住買牛扒 (因為我好鍾意食牛扒)，所以9點幾去超市睇睇有冇，點知行到去放特價區個度見唔到牛扒只係見到啲魚扒....咦唔係喎...有兩盒羊扒喎...睇真啲...會唔會係豬骨呀? 咦! 真係羊扒嚟喎.....唔理喇...攞咗先算喇!!!



就係咁佢哋就跟咗我返屋企喇...

話咁快佢哋就變咗我哋嘅晚餐喇...香煎羊扒加自製 Honey Mustard 沙拉 with 自家種 cherry tomato(因為我唔係咁鍾意食所以我隻諜冇佢响度)

啲羊扒 Dr. Chiu 用醋同乾嘅香料醃嘅，味道都算唔錯...



今晚 Dr. Chiu 落廚煎完羊扒再嚟多個冬瓜炒雞片廳日帶飯。