New Life in Ruston: Day 1 & 2

終於都o黎到Ruston呢個地方, 其實心情都算係咁架啦, 可能早兩日同Fanny, Meggie & Liz分享過自己既感受, 所以都算OK.

o琴日全日都好忙, 因為要整理同清潔間屋, 所以未係點覺得悶及冇唔開心既感覺.

今日全日上網...先Post間屋既相, 後整理o向L.A.影既然後Post上www.imagestation.com...At the same time 同D朋友MSN. 唔知點解同朋友講講下特然好想喊, 好彩聞牧師o向度, 同佢講完之後好返好多, 多謝聞牧師.....嘩! 咁就一日啦!! 之後夜晚跟Dr. Chiu返呢個Town既中文查經班, 可能大家用普通話對話及查經既關係, 所以我唔係太投入得到. 希望遲D會好D啦!!

o岩o岩自己一個開車返o黎...冇走錯路架, 係咪好醒呢!?

唉! 依家成2點啦Dr. Chiu重未返!! 呢個咁既細Town仔可以去得邊呢!? 咁夜都未返會唔會有乜o野意外呢!? 點解又唔打電話比我呢!? 好"支力"但係Dr. Chiu未返所以"目訓"唔到呀, 點算好呢!?