PurpleDreamLand

琴晚我想試下煮糖醋排骨，煮咗一個鐘頭左右個煲特然爆咗....好彩Dr.Chiu當時响Living Room度打緊Video Game所以可以立刻去廚房度睇下發生乜嘢事。不過因爲唔知有冇碎片入咗啲汁度，所以我決定成煲唔要。唉！我嘅第一隻糖醋排骨就咁冇咗...

呢張就係佢嘅遺照:

今日張Sofa到咗喇，我同Dr. Chiu都好開心。終於都有"家"嘅感覺喇....Yeah!!!

但重未有coffee table同電視機。

星期日响Office Depost買咗2個書櫃同一張凳, 張單度話今日delivery去我哋屋企...點知最後話今日到唔到...可能要廳日但都唔肯定。我唔高興嘅係當我哋去到Office Depost度問嘅時候有個白人員工check都唔check就話:"係咁架喇! 你哋返去等啦，我哋呢度幫唔到你架"..."你自己打電話去問啦, 我哋呢度幫唔到你架"...真係比佢吹脹。