連續落咗3日雨到今日心情指數以經跌至谷底...不過 Dr. Chiu 今日放工買咗我呢幾日特然好想食嘅 McNuggets 令到今日心情指數回升咗少少
感謝神我重未有想嘔嘅感覺...只係食得比較少同好易肚餓...無乜心機煮飯同做家務 (家務其實一直都唔鍾意做，只係依家更唔鍾意)
其實想食好多嘢...但大部份呢度都冇可能揾到，所以都冇開口同 Dr. Chiu 講....只係比佢知一啲呢度有嘅等佢買返嚟比我...你哋話呀...呢啲老婆都算唔話得喇...吓話!?
噚晚特然想食粟子炆雞...好彩上次出 Houston 比我揾到啲冰粟子而又有帶2袋返嚟...所以可以立刻整嚟食，加上我終於成功整到又香又滑嘅篜水蛋而令我噚晚開心咗一晚咁大把... Yeah!!!
沒有留言:
發佈留言