今早都係開車四圍行吓、睇吓、同辦下其它嘅嘢。大约2點幾打電話去租屋公司度睇吓可以搞啲手續未，點知佢哋話要等到禮拜一先得喎！唉...我哋星期六即明日就走喇咁點得架！
响好匆忙嘅情况下Dr.Chiu記起佢老细個secretary講過話：响北邊有間屋係私人出租。咁我哋好匆忙咁同個屋主聯络睇屋。去到見到間屋嘅外邊已經好鍾意，睇完邊就更鍾意，但價錢就多成半。原本計劃租2年就買屋之後就可以養狗同生BB，但依家就要改變計劃喇，冇得養狗、但會先生BB後買屋再養狗。
今晚同呢個Town嘅牧師同師母食飯；嘩！牧師同師母自己响屋企四圍都種咗嘢：有通菜、番茄、節瓜等。師母摘咗啲通菜比我哋食，即摘即煮真係好好味。食完飯帶我哋去摘新鲜無花果，第一次見同摘新鲜嘅無花果好好味架！不過比蚊針到成腳係，真係可憐。
返到Town發現原來呢度間Wal-Mart係開24Hrs.架，所以我哋就買咗啲日用品返新屋。終於都有一個自己嘅家好興奮呀！
沒有留言:
發佈留言